α+force 邊個再傳強姦片邊個爛屎忽爛前列線 說:
挑乜x釁
α+force 邊個再傳強姦片邊個爛屎忽爛前列線 說:
你講我點挑釁你!
α+force 邊個再傳強姦片邊個爛屎忽爛前列線 說:
係咪唔俾刁老母而家?!
α+force 邊個再傳強姦片邊個爛屎忽爛前列線 說:
係咪道德塔里班!

預祝神七扑街 說:
做乜要學明光社先你

α+force 邊個再傳強姦片邊個爛屎忽爛前列線 說:
你覺得你憑乜野法律依據可以查看傳閱呢d片

α+force 邊個再傳強姦片邊個爛屎忽爛前列線 說:
我唔同你講道德
α+force 邊個再傳強姦片邊個爛屎忽爛前列線 說:
你覺得你憑乜野可以睇個女仔俾人強姦/通姦
α+force 邊個再傳強姦片邊個爛屎忽爛前列線 說:
你認為佢係咪授權俾你班76意淫

預祝神七扑街 說:
憑乜野可以睇阿嬌俾人拍口交

α+force 邊個再傳強姦片邊個爛屎忽爛前列線 說:
你覺得佢首先係一個人 定係一個受害者 還是一個淫婦
α+force 邊個再傳強姦片邊個爛屎忽爛前列線 說:
你唔使舉阿嬌 我同你講呢單
α+force 邊個再傳強姦片邊個爛屎忽爛前列線 說:
一單還一單

預祝神七扑街 說:
同樣道理

α+force 邊個再傳強姦片邊個爛屎忽爛前列線 說:
就算佢係一條淫婦都唔到你黎審

預祝神七扑街 說:
觀看不受法律約束

α+force 邊個再傳強姦片邊個爛屎忽爛前列線 說:
我刁緊觀看咩
α+force 邊個再傳強姦片邊個爛屎忽爛前列線 說:
你睇清楚

(閱讀全文)

十幾年來, 包括你狀告新華社侵犯個人私隱, 卻被姜恩柱反咬一口, 最後無法償還庭費而不得不宣佈破產的那幾年；包括你與你的戰友們用街頭抗爭的形式圍堵會展抗議八百人小圈子選舉被警方逮捕, 從此被親中勢力嘲你為"訓街卿" 的年頭；包括你與涂謹申前往台灣”唱衰香港”而落了一身漢奸罵名的年頭．你始終站在我們前面，為我們擋住穿心萬箭，從未退縮．當有人說，是長毛是為香港引入街頭抗爭，是長毛為首因爭取港人權益而身負多單官司甚至坐牢，是長毛會因香港人爭取獨立自主而被維園阿伯終生追 殺......我會糾正他們，前線劉慧卿，才是上述多項港人抗爭史上的第一人．並且，是香港第一位果敢的女性立法會議員，首位為港人力撼新華社中共惡勢力而 導致破產的立法會議員．

2000年劉慧卿與民主黨人士共同抗議北京打遏新聞自由 (BBC圖片)

2003年涂謹申與劉慧卿在台灣”唱衰香港與一國兩制”(新華社)

如今你在直選論壇中力不從心的呼喊，疲憊不堪的面容，竟又再一次擊中了我，為你偷偷抹走了幾行眼淚．

無論風高浪急, 波瀾四起, 你總是嫣然一笑. 無論是訓街卿，漢奸卿，還是破產卿，請保重身體，你是我永不褪色的驕傲．

淫賤黎唱衰長毛 說:
民主派傳媒被一人壟斷唔得既

α+force 發啷矮!! 說:
有爭議性咩? 我最憎咩民主女神又民主之父  民主二字本就意味著"人盡可夫"

淫賤黎唱衰長毛 說:
從此日日叼蘋果

α+force 發啷矮!! 說:
我有無同你講過  肥佬有私通中聯辦之嫌

淫賤黎唱衰長毛 說:
講

α+force 發啷矮!! 說:
我都覺得奇怪 點解聖火果幾單野 明明蘋果係威係勢話要出大標題 最後封面都會變紅色廣告
後來我諗 會唔會係   紅色企業商人在重大節假日會積極防止蘋果出大標題搞事 製造不和諧版面  影響市容之類 肥佬心知肚明 (據說蘋果頭版起左價)

淫賤黎唱衰長毛 說:
點私通中聯辦

α+force 發啷矮!! 說:
中銀果幾單野 之類. 我諗而家白粉馬終於諗通左, 看來東方今年以來同蘋果大玩乾坤大挪移, 唔似係無間道, 可能真係要同蘋果爭基層同中產市場, 未來只要白粉繼續在位 就有可能有兩家自稱民主派派報紙

淫賤黎唱衰長毛 說:
自由黨點算? 梁振英點算?孽劉點算?

α+force 發啷矮!! 說:
因為東方終於發現愛國賺既錢唔夠唱好民主賺得多

淫賤黎唱衰長毛 說:
快唔快D結論! xx爆你知？

α+force 發啷矮!! 說:
民主與愛國在報界都只不過係一盤生意

淫賤黎唱衰長毛 說:
當然是生意

α+force 發啷矮!! 說:
我係特指香港報界, 唔係其他界別, 所以你唔好對香港傳媒界所謂知識份子期望過高. 更何況肥佬白粉也不過是兩大商賈, 就算再殺出多一個李小超, 相信與之亦毫無分別

淫賤黎唱衰長毛 說:
我從來都無期望  我話佢知識份子敗類  不過加拒一個罪名 當粗口

α+force 發啷矮!! 說:
呢度知識份子凋零 知識份子無飯食. 只有娛樂時事化/時事娛樂化的新聞製造業. 呢班係技術工人, 你用知識份子敗類黎形容, 前提係無交集既. 定語錯誤.

淫賤黎唱衰長毛 說:
不賺錢的傳媒，沒有影響力

α+force 發啷矮!! 說:
你錯, 我相信民間電台或者癲狗電台的影響力日後有望超越港台, 同樣原來傳統的大傳播機構日後都會式微 , 正如民主派內在都會分化一樣
影響力並不來自資金, 而來自傳播形式, 信念或者利益從泛化趨向多元化.
傳播既然不是一個有形實體概念, 不是一間公司 不是一間電台 不專屬於係任何一種組織形式 , 影響力自然就不受傳播組織的規模所限制

淫賤黎唱衰長毛 說:
我知, 絕對拉

α+force 發啷矮!! 說:
當然資金係其中一種增加影響力的手段, 係最原始的方法, 係壟斷的本源也是目的

淫賤黎唱衰長毛 說:
你話WEB2.0?

α+force 發啷矮!! 說:
不特指任何技術. 我已經講左

另外.

所謂"理性中立"前景又會如何?

如果香港的知識界乃至公民質素並沒有我想像中悲觀的話, 我相信, 香港人也許漸漸就會發現, 整個社會正在從泛化走向分化的階段, 從九七前單極化到九七後逐漸走向兩極分化, 從麥理浩時代開始培殖的大香港主義正在走向自我批鬥與自我辯護的對立層面, 兩極分化在政治前景繼續灰暗的前提下, 又進入了兩極內自我分化. 這種界限分明的內在分化並不會粉碎原有的壁壘, 反而會強化楚河漢界兩邊的自我分析與認同, 各自整合. 所以, 只要香港政治前途持續模糊化, 親中或民主的這重選擇性強烈的標題會繼續高掛. 而這種分化, 並非來自社會利益分化, 而是港人內心矛盾的心理特徵體現: 一邊渴望主宰, 一邊期望依附. 在肯定與懷疑之間, 在往返循環辯證之間, 虛度光陰, 裹足不前.

是不是, 這個社會要求的政治理性太多, 非理性的活動範圍緊縮. 這裡所指的非理性, 是激情. 現時香港既缺乏對社會的激情, 缺乏對精神生活追求的激情, 最可惜的不過於缺乏政治激情.

固然激情不能解決理性問題, 同樣理性亦無法回答激情的質問. 簡單說, 理性只能回答"現在"(present)和"怎麼樣"(how)的問題, 而沒膽量回答"明天"(future)和"為甚麼"(why). 理性在主流話語中佔著壟斷而崇高的位置, 成為香港人拷問權威的防火牆. 長期過度的理性訓練嚴重壓抑了香港人為"明天"而作出宣言的慾望.

問題是, 要那麼多的理性, 幹甚麼?

請香港人保留著心中的火種, 九月七號, 燃燒起來, 並繼續傳遞下去. 這才是真正屬於我們香港人, 自己的聖火.

玩法:

自選一個topic, 按照topic要求輸入相應字眼, 如地點, 名稱等, 共十餘項, 支持big5煩睇字輸入, 但output會自動化煩為繭, 繭睇字.

唔同topic可以換唔同風格. 以下是一首以希特拉和阿嬲為主題的樣本. 

例一 

我国著名的无名无派诗人狂花的新诗一首火爆出炉：
《遗忘》

http://www.clie.com.cn/poem/

希特拉曾是果邊的阿嬲
它带走了海洋公園的生臭狐
希特拉渐消逝，發爛渣渐远去
视而不见
终有一天它们结伴于FACEBOOK

希特拉头也不回地扯哮

我的腳甲却象石油氣罐渐渐氣急敗壞
望着鬼五馬六希特拉
石油氣罐遗忘了一切

例二 以下是以邪惡為主題的樣本

我国著名的无名无派诗人阿嬲的新诗一首火爆出炉：
《恶夜》


低头看屎忽痕我
在福娃鞭打我的时候
把我的鼻毛献给我的主人！

在防火牆中蠕动的
是信奉楊受成的人们
他们拋波露奶
他们隨地露蟹

最后一刻，我割出我的鼻毛

不如寫下情詩添啦, template都有架. enjoy.

香港立法會房事委員會網頁 <<

市民欲查詢有關提高房事質量的知識, 以及監察研究與私人房事及公共房事有關的政府政策等, 請聯繫:panel_h@legco.gov.hk

哼哼哼哼~!!!

Flight of the Conchords Ep 8

比如施 暴

或者施 政

黎啦喂又打砸搶燒啦喂

贵州骚乱事件

(閱讀全文)

威耳斯三日兩夜單飛集中營，全程奉送抽血驗尿閉路電視及嘈冤巴閉護士一大班，都只不過係一百文起咋！仲唔快D 致電三條九登記???

疑似禽流感犯人獨立隔離病房

床前明月光之閉路電視保你健康

乘客請注意: 為了閣下的人身安全, 請勿攜帶盤尼西林及其他易燃物品

未出發先興奮之吸血化驗

疑似帶菌者的腳板疑似很健康

放我出去！！！（是日風神壓境）

話說我得一名Cap帽男攙扶同行, 卒之死都可以死翻香港. 走去羅湖關口向探熱助理求助: 「我發燒喎.」探熱助理塞下我耳仔: 「無事喎, 體溫正常.」

下???

於是我認為除左咳得勁左少少同埋個肚痛左少少之外, 應無大礙. 翻屋企攤左一日, 探熱針話我知我一日之間又發左幾次燒, 分別係38.6, 38.4及39度. 確實不對路. 我無可奈何又要飛車去威耳斯急症室.

掛號, 排隊, 「由於現時是流感高瘋期, 急症室輪候病人眾多,次緊急病人平均輪候時間改為六小時...」到底係輪候病人眾多, 定係輪候醫生過少(開得果兩間房), 我就不得而知. 等左三個鐘, 滴水未沾粒米未進, 問姑娘:「我可以去最近的canteen食舊飯先嗎?」姑娘沒好氣:「你而家走左一陣醫生叫到你你唔係度就當你棄權架啦!」我俾一舊水你, 你要我六個鐘都坐係度做乾煎石斑, 飯又無得食, 又無得俾我見官/醫生, 霎時間我有種被非法禁錮的感覺.

唔知等左幾耐, 總之好耐. 大堂廣播終於叫到我個名. 入到房見到一個四眼仙人球, 粗聲粗氣問我咩事, 我話我發燒咳嗽流鼻涕兼肚屙. 仙人球問你食過咩黎, 我話我係大陸食左幾件白切雞. 只見仙人球面色一沉, 就問:「有無試過呼吸困難頭暈不適之類先?」我諗左一陣, 過敏果次算唔算呢, 好啦就講埋啦:「尋日係就係有試過透唔到氣, 不過呢.....」仙人球拍檯離去, 前方傳來狠狠罵聲:「人地而家個個都驚禽流感你仲走上大陸食雞!!」

坐左一陣, 仙人掌走翻黎鎖我入另外一間房, 門口掛個牌寫住「內有惡犬」之類(我睇唔到係乜啦), 隔住個玻璃大叫:「你唔好出黎呀!! 而家我地懷疑你感染左禽流感!! 千祈唔好出黎呀!! 等另一個醫生黎接你啦!!」叫罷揚長而去.

一個鐘後, 一個身穿董太超人裝08改良版的嬸嬸戰戰兢兢推門進來: 「你就係大隻花氏?」隨即帶我登堂入室. 一路經過護士站, 張三李四雞飛狗走, 我咁大個女未試過行路都行得咁威水. 問嬸嬸:「我要去邊?」嬸嬸回眸一笑:「11D, 哈哈....隔離病房.」

入房, 換衫, 繳械. 所有隔離病房均設兩重門, 全日有閉路電視監控, 任何外人不得入內, 包括媽媽.

首天入住單人觀察病房, 又俾護士抽左一大輪血, 再搵部MOBILE X光機同我影相:「你個肺! 一二三! 笑!!」, 進而抽鼻液時俾個生手姑娘篤親個鼻腔又搞到成手鼻血.......一頭煙. 其時姑娘言之鑿鑿話隔日就有報告睇. 瑟縮在隔離病房訓下又一陣訓下又第二陣, 訓左兩日, 超人嬸嬸又走入黎: 「阿妹, 轉房啦!」又捉我去另一間雙人病房同一個婆婆住.

太耐無講過野, 我發牙痕, 問婆婆「你點入黎架」咁, 呢個問題就有如赤柱獄友互相問候:「你衰咩呀?」 點不知婆婆話:「跌親隻手囉!」我恍然大悟: 跌親隻手都要隔離!! 我自告奮勇幫婆婆向姑娘查問, 姑娘話:「下面外科唔夠床位囉.」於是婆婆就不明不白係隔離病房與世隔絕十幾日, 屋企人又唔俾見, 又唔落得街. 唔怪得醫管局一日到黑話床位緊張, 話唔定下面外科又住左幾個禽流感添喎!!

於是我開始鼓噪, 叫姑娘幫我搵個醫生黎見我. 豈料見醫生仲難過見官, 姑娘話醫生淨係睇你一個咩, 云云. 我就更加火冒三丈, 哦, 咁個醫生又唔得閒睇我, 又唔話我知咩事, 失驚無神捉我入醫院隔離, 集中營咁樣, 又唔俾我見屋企人, 又抽血又抽鼻液抽到而家都未有報告俾我睇, 唔使我俾住院費就話忍你, 你家陣係咪貼埋大床俾我兼包食包住先?? 神智一清我就開始一輪嘴鬧人, 姑娘滿面惱火, 雞咁腳走左出去.

婆婆見我發爛渣發得咁過癮, 又照辦煮碗拍床拍蓆搵個姑娘黎發爛渣:「無陰功呀~~我跌親隻手都無人黎探我~~困住我係度咁耐~~D飯又難食~~無陰功呀~~快D俾我出院呀~~打颱風啦屋企D窗都未閂埋~~」

婆婆的爛渣有無效果呢, 我就唔知. 在我發完爛渣十幾分鐘後媽媽打電話黎搵我:「衰女你病緊就唔好同人嘈啦~醫生話點就點啦鬼叫你病咩~」EE鵝鵝一大輪. 未幾又有另一個男護士走入黎笑口噬噬同我講:「醫生話你今日出得院啦, 你執埋D野, 等我地出埋張住院紙你就走得架啦.」我問:「咁醫生呢??我要見醫生.」男護士則謂醫生仲未得閒.

最後等到個醫生黎, 我問:「咁我即係咩病?」醫生支吾以對:「你翻去飲多D水, 多D休息, 要唔要病假紙? 幫你開張啦......」我繼續質問:「點解我無藥食既?」醫生繼續吞吞吐吐:「你如果再發燒可以直接去急症架, 我暫時唔開覆診紙俾你啦.....」簡直胡言亂語答非所問. 連醫院醫生護士都開始識得對病人打官腔, 你話幾頂癮呢~

咁我即係咩病呢? 媽媽非常擔心. 拎住我張醫學報告睇來睇去都睇唔明:「無藥既咩??」諗諗下又問:「幾時覆診呀咁?」再諗諗下媽媽最終明白箇中道理:「咁即係你走入隔離病房食完又訓訓完又食, 又無藥又唔知咩事, 咪即係運桔?」

總之我這次住院期間不再發燒, 此後就唔關傳染病科既事. 至於係邊個科既事, 我諗, 咁就要睇多幾次急症, 逐次轉介去各科病房, 等其他各科醫生逐項化驗, 我個禽流感驚魂記先會有真相大白的一日.

所謂行政主導, 原來就係香港政府機構全面官僚化, 管而不治, 治而不理, 所以一個路牌跌左兩粒螺絲, 都要呢個部門果個部門重重轉介再轉介搞足一個月之多, 所以阿婆跌親手都可以塞入隔離病房當傳染病咁醫, 所以我花某又咳又瀉又發燒的診斷結果是: 唔係禽流感, 唔係宮外孕, 唔係盲腸炎, 唔係天花, 唔係梅毒..... 卒之而家搵政府醫院「睇病」變成「睇下唔係咩病」.

曾蔭權周一嶽等一干人等, 你地千祈要拜多D神保佑自己退位之後唔好病添喎.

大陸醫院睇急症唔需要輪候分流. 見完醫生第一見事就係搵支drip-stand傍實, 正襟危坐:等影死人相? 未有咁快. 伸隻手出黎俾姑娘當正你係非禮佢果隻鹹豬手咁, 啪啪啪左右開弓打到隻手浮腫為止, 然後一針穿入手背:「坐好呀, 別動!」四樽唔知咩藥懸在頭頂, 吊足五個鐘有多. 別動喎.

吊完晒咁多樽楊枝甘露後, 諗住穩穩陣陣定個抬油. 點不知瞌左一陣, 針都未除, 又發過燒.

唔講得笑, 馬上飛的去火車站, 買飛翻香港.

坐上和諧號唔夠十分鐘, 開始胸悶作嘔, 視線範圍內所有行李垃圾通道霸王一下子全部升晒上半空, 一如Trainspotting入面描述的吸毒幻覺. 當然我並無塞埋個入馬桶跳芭蕾舞, 而係走上兩個車廂搵車長. 沿途執住一個賣礦泉水的和諧小販: 「車長係邊?」佢仲要笑笑口諗左一陣, 似乎認為我呢d閒雜人等要見車長首先要遞封上訪申請書先得. 當時我有氣無力, 已經講唔到野, 倖得另一個香港麻甩佬走上前用唔鹹唔淡的國語對住大聲叫:「你看不到呢個女仔! 餅左啦!! 快去蕉個車展黎啦!!」未等和諧小販反應過來, 麻甩佬已經自告奮勇衝左去另一個車廂.

卒之車長走左過黎, 一邊同我搽油, 一邊同我講: 「唔使驚, 可能你中暑呢.」望下我個死人樣, 面額發青嘴唇發紫, 點睇都似中毒多過似中暑. 搞左一輪, 毫無起色, 呢個時候, 程咬金出現.

程咬金先是見到個香港麻甩佬大吵大鬧要見車長, 繼而見到有個面青口唇黑的港女飄過. 那程咬金心知不妙, 一個箭步上前將那列車長助手攔腰截住. 助手驚得杏眼圓睜, 斥問:「來者何人. 莫在我和諧號上鬧事.」程咬金捋起金色長髮, 二指拈出名牌一葉:「香港九龍某中醫針灸師是也. 但見剛才那位姑娘, 印堂發黑, 恐有不測. 」助手哼哈一聲:「你有何能耐?」程咬金合十而揖, 謙謙有詞：「但試無妨.」

話說回來, 那中毒港女已躺在座椅上喘得汗流浹背, 鼻息漸弱. 此時一名身穿和諧制服的年輕女子進內, 躬身與車長耳語一陣, 呈上一葉名牌. 車長端詳片刻, 轉過頭來, 輕聲問港女:「車上有大夫求見, 汝意下如何?」死唔斷氣港女點頭示意, 那年輕女子旋即回首大叫:「傳! 程咬金!」此時港女掏出手機致電回港, 電話中低吟幾句, 便已淚流滿面:「娘, 孩兒不考. 記得餵狗...」

程咬金甫進, 不理車長助手二人七嘴八舌, 施施然側身坐下. 港女雖然頭腦發昏, 仍能辨出程咬金的公文袋乃是經典港佬牌子: XX Creations, 心中便舒了一大口氣, 兩眼一垂, 心想任他魚肉去罷. 是時程咬金望其面容聞其氣息, 不由分說把起港女手腕靜觀脈象. 良久, 程咬金拈髮輕嘆:「心弱, 肺弱, 心有亂象. 姑娘可曾服藥?」港女用力撐開眼皮, 答曰:「有. 抗生素.」 程咬金眉頭一緊:「似為誤服烈藥所致. 姑娘莫再用前藥. 棄之可矣. 」隨後從公文袋中拎出睫毛液大小的鋁筒乙管, 拆開竟是一支神油噴霧. 程咬金搖身一變竟成了香香公子, 於港女之百會、印堂、人中、曲澤、足三里等穴道各施神油一滴, 除除按壓之. 港女臉上陰霾稍褪. 程咬金再按數下, 見港女氣息漸緩, 著其繼續休息, 便是功成身退.

再說火車到站, 我已有如風中殘燭. 眼前人影幢幢, 過盡千帆, 不得一葉. 跌跌撞撞走出火車, 呢個時候有個Cap帽男走上前問候:「小姐, 你行嗎?」一時撞聾, 我便以為我已經成「死者」了. Cap帽男接著說:「你去哪裡? 我陪你走好吧?」我說我回香港, 一個人走可以了, 反正很近, 過了關便是神仙. Cap帽男得知我是港人, 便自報家門:「我也回香港, 要不我們同行?」

常言道香港地人情薄如紙, 我倒是覺得香港人慣用的TEMPO紙巾, 比起維達VINDA總是要厚那麼一點點. 雖然亞洲時報26號的報導說香港人對中國人的身份認同感上升了, 但我始終還是以香港人這個特殊身份感到最為自豪.

大難不死, 執翻條命, 未必有後福. 欲知後事如何, 請看下回分解.

p.s. 在網上搜得一些關於青霉素過敏的知識, " 严重过敏现象往往出现在作皮试或注射10几分钟内。病人首先感到胸闷气憋，浑身哆嗦以至抽搐，头晕、 头痛、呼吸困难，紫绀， 面色苍白，手脚发凉，血压急骤下降，脉搏快细而弱，如抢救不及时，常会因呼吸循环衰竭而死亡. "

二圖均於互聯網上搜獲. 由於轉載極頻, 且均未註明出處, 暫未知出自何方高人手筆.

歡迎知情者向在下告密.

論戰不外乎兩大派系, 討範派, 挺範派. 一如既往, 毫不意外地涇渭分明, 旗幟鮮明, 而且所爭執的重點, 根本也不是同一個命題. 在理性辨論的遊戲中, 這種爭執是無效的, 是浪費的, 是歧見紛呈的喧鬧, 是雙方掩著耳朵的對罵, 不需要任何道德或者知識依據也可以預知爭執到不會留有任何結論, 可是/於是, 爭論仍在持續. 對此我沒有興趣參與討伐或者辯護. 一連串的叫囂聲在提醒我必須去想另一個問題.

(閱讀全文)

http://blog.udn.com/happygirl730/1421785

α+force 說:

原來我之前用緊男友1.0版, 仲要係trial添

Alex 說:

果隻好似30日就會自行del喎

(閱讀全文)

南方都市報近幾天來很熱鬧, 突然多了很多專家, 東一句西一句研究得發現得不亦樂乎. 然而這些話, 理應在傷亡慘重之前就該要研究發現個明白的. 那邊廂鳳凰週刊聲東擊西, 翻出張慶洲那本<唐山警示錄>, 指前唐山地震監測網絡負責人楊友宸, 在誣陷"唐山"將要發生地震之後, 旋即被保送往104幹校"改造世界觀". (鳳凰週刊, 2008年第15期 總第292期, P43). 為甚麼要"改造世界觀"? 很明顯是"思想有問題". 原來預測地震, 會成為思想犯.

其二

一切這些歷史或者現狀似乎都無關痛癢, 那麼多人在說, 天地不仁, 天災無情, 之類, 證明人間是那麼的有情. 說得那麼漫不經心, 那麼言之鑿鑿.

我不禁在想, 你們把炸藥運向這些山脈的時候, 你們把無數推土機駛往這些谷地的時候, 你們把一噸又一噸的工業垃圾隨手棄置的時候, 你們不知魘足地修建起那麼多的水庫炸彈的時候, 你們扒開大地的皮肉在裡面玩核彈的時候......

你們又何曾手下留情過. 你們又何曾心存敬畏過.

其三

 手多多. 又撿了一隻貓.

她看見我的時候一動不動, 下大雨, 她濕透了. 夜色極深, 看不分明, 我便召她過來, 她竟然很高興就跑過來了(一_一! 這是狗嗎...) 我對付貓沒有很多經驗, 攤開手, 奢望她來嗅.

她果然在嗅...(再一次, 一_一! 這是狗嗎...) 

然後她作勢倒斃在地上, 抱著我的手不放......我汗顏不已呀.

於是把她塞進我的手袋裡. 後來打開一看, 裡面有血??!!

抱起她上下裡外都查看過, 不像是來月經呀. 最後發現她的尾巴尖端硬了一塊, 是凝固的血痂.

她很有趣, 進屋沒多久就爬進我的書櫃, 毫不客氣就佔用了整整一層. 剛才讓她發現了一隻蚊子, 她開始是咪咪亂叫了一通, 隨即跳上了我的書桌, 連聲問候那隻無名蚊. 現在她爬上我大腿, 用我的褲子磨爪子. 好癢.

這兩天來, 阿嬲不敢幹的事, 她全幹了. "細路, 你係咪要咁關照我先." 她半眯著眼睛叫了一聲:"玩下之馬~". 我打算養她一段時間,等她的尾巴和身上掉毛的問題都好了以後, 再幫她找個好主人. 

順便一提, 今天朋友對我說, 收養阿驚的老婆婆, 因為肝硬化住進了醫院. 阿驚從此不知所蹤. 不論是就前者還是後者而言, 我都有點難過.

這兩個小惡棍曾經聯手把我氣得哭成淚人. 還跳到我床上, 為了一顆屎, 大打出手. 

阿驚雖然是一隻會把自己關進老鼠籠的傻貓, 有時甚至會把自己的屎從貓砂中翻出來, 送給阿嬲銜著到處亂跑... 但是, 她很漂亮, 溫柔(對著主人的時候), 如果你遇到她, 希望你好好待她.

每一個生命都是一個奇蹟, 請你試著相信這句話.

(閱讀全文)